राजिव शाह
सर्लाही,कार्तिक २९ गते । सर्लाही प्रहरीले अबैध रुपमा लगाइएको लागू औषध गाँजा फडानी गरेको छ ।
जिल्ला प्रहरी कार्यालय सर्लाही तथा सशस्त्र प्रहरी बल नेपाल, नं. १० गण हेक्वा सर्लाहीबाट खटिएको संयुक्त टोलीले अवैध रुपमा लगाइएको गाँजा नष्ट गरेको छ ।सर्लाहीको लालबन्दी न.पा. वडा नं. १४ स्थितको विभिन्न स्थानमा अवैध रुपमा गाँजा खेती गरिरहेको भन्ने प्राप्त खबरको आधारमा खटि गएको टोलीले उक्त क्षेत्रको करिब ६ बिगहा जमिनमा लगाएको अन्दाजी ५० हजार बोट गाँजा फडानी गरी नष्ट गरिएको जिल्ला प्रहरी कार्यालय सर्लाहीले जनाएको छ ।
सर्लाहीमा लागू औषध गाँजा फडानी तथा बिक्रि वितरण कानुनी रुपमा अबैध भएकोले बिक्रीवितरण समेत कडाईका साथ सर्च अप्रेसन सुरु गरिएको जिल्ला प्रहरी कार्यालय सर्लाहीका प्रहरी निरीक्षक कृष्ण गिरीले जानकारी दिए ।
सर्लाहीमा ६ बिगाहामा लगाइएको गाँजाबोट नष्ट
२०७८ कार्तिक २९, सोमबार ०९:०६
संबन्धित खबर
© 2025 | manakamanapost.com | All Rights Reserved | Pravicy Policy | Disclaimer