राजसंस्था पुनस्र्थापनाका लागि संयुक्त जनआन्दोलन समितिको सल्लाहकारमा मधेशका पूर्व प्रदेश प्रमुख डा. राजेश अहिराज पनि समेटिएका छन् ।
सोमबार राजधानीमा एक पत्रकार सम्मेलन गर्दै समिति र समितिका सल्लाहकारको नामावली सार्वजनिक गरिएको थियो । समितिको प्रमुख सल्लाहकारमा डा. जगमान गुरुङ तथा सल्लाहकारमा बुद्धिराज बज्रचार्य, डा. शास्त्रदत्त पन्त, डा. राजेश अहिराज र खेमराज राई रहेको उल्लेख छ ।
तर डा. अहिराजले राजा फर्काउने समितिको सल्लाहकार राखेकोमा आपत्ति जनाएका हुन् । उनले समितिको सल्लाहकारमा आफू नभएको, आफूसँग कुनै सल्लाह पनि नगरिएको प्रतिक्रिया दिएका छन् ।
राजावादीहरूले गठन गरेको निर्देशक समितिमा नवराज सुवेदी (संयोजक), अस्मिता भण्डारी (सदस्य), कमल थापा (सदस्य), केबरबहादुर विष्ट (सदस्य), दुर्गा प्रसाई (सदस्य), पशुपति शमशेर राणा (सदस्य), प्रकाशचन्द्र लोहनी (सदस्य), रमा सिंह (सदस्य), रविन्द्र मिश्र (सदस्य सचिव), राजेन्द्र लिङ्देन (सदस्य) र हरिबहादुर बस्नेत (सदस्य)को नाम प्रस्तावित गरेको छ।
