सर्लाही,वैशाख २२ गते । नेपाल लाइफ इन्स्योरेन्स कम्पनी २१ वर्ष पुरा गरी २२ औं वर्षमा प्रवेश गरेको अवसरमा विभिन्न ठाउँमा रक्तदान कार्यक्रमको छ । वार्षिकोत्सबको अवसरमा आयोजित बृहत रक्तदान कार्यक्रममा बिरगंजमा २६ जना जनकपुरमा ५१ जनाले रक्तदान गरेको नेपाल लाइफ इन्स्योरेन्स जनकपुरको शाखा प्रमुख संजय कुमार कामतले बताए ।
२०५८ साल बैसाख २१ गते जीवन बीमा व्यवसाय सुरु गरेको नेपाल लाइफ इन्स्योरेन्स कम्पनी लिमिटेड २२ वर्षको युवा अवस्थामा फक्रिरहेको छ । फराकिलो आकाशमा उडान गरिरहेको नेपाल लाइफ इन्स्योरेन्स कम्पनीले यस अवधिमा आफूलाई अझै अब्बल र सशक्त बनाउँदै लगेको छ । पछिल्लो तथ्याङ्क अनुसार कुल बीमा शुल्क आर्जनमा नेपाल लाइफले मात्रै एक चौथाइ अर्थात २५ प्रतिशत बजार हिस्सा ओगटेको छ ।
देशका दुरदराज, कुनाकन्दरासम्म बीमाको पुहँच पुयाउँदै मानिसको जीवनमा आइ पर्ने जोखिममा आर्थिक भार कम गर्दै आम मानिसको मुहारमा मुस्कान छर्न र पीडामा मलम लगाउन सफल नेपाल लाइफ इन्स्योरेन्स कम्पनी धेरै वटा सूचकमा अब्बल र अगाडी देखिएको नेपाल लाइफ इन्स्योरेन्स कम्पनीका मधेश प्रदेश प्रमुख दशरथ झाले बताए ।
हरेक वार्षिकोत्सवमा संस्थागत सामाजिक उत्तरदायित्व अन्तर्गत केही न केहि सामाजिक कार्य गर्ने परम्परा अनुरुप यस वर्ष मधेश प्रदेशमा बिरगंज र जनकपुर आयोजना गरिएको रक्तदान कार्यक्रममा नेपाल लाइफ इन्स्योरेन्स कम्पनीका मधेश प्रदेश प्रमुख दशरथ झा सहित कूल ७७ जनाले रक्तदान गरे ।
२२ औं वार्षिकोत्सवको अवसरमा नेपाल लाइफ इन्स्योरेन्स जनकपुरको शाखा प्रमुख संजय कुमार कामत र मधेश प्रदेश प्रमुख दशरथ झाले आम सेवाग्राही,व्यावसायिक साझेदार,सहकर्मी मित्रहरु,नियामक निकाय, शुभेच्छुक–शुभचिन्तक सबैलाई सधन्यवाद सहित हार्दिक आभार प्रकट गरे । ‘हाम्रो व्यावसायिक यात्राका लागि तपाईंहरू सबैबाट प्राप्त सहयोग र सद्भावलाई हामीले सदैव मार्गदर्शनको रुपमा लिएका छौं ।
