मनकामनापोष्ट

Written by 4:48 pm ताजा अपडेट, मधेस प्रदेश, मनकामनापोष्ट स्पेसल, राष्ट्रिय, समाज, स्थानीय समाचार

सप्तरीको तिलाठि कोइलाडि गाउँपालिकाका अध्यक्ष,वडाअध्यक्ष,प्र.अ सहितको पुतला दहन



शुभ नारायण यादव
सप्तरी,भाद्र २४ गते । सप्तरीको तिलाठी कोईलाडी गाउँपालिका वडा न. ७ स्थित लक्ष्मी बल्लभ नरसिंह माध्यमिक विद्यालय बभनगामाकट्टीमा विद्यालय ब्यबस्थापन समिति गठनको विरुद्धमा अभिभावकहरु आन्दोलनमा उत्रिएका छन् ।
जनप्रतिनिधि र प्रधानाध्यापकले अभिभावक नभएका आफ्ना आसेपासेलाई सम्मिलित गराई विघालय व्यवस्थापन समिति गठन गरेको भन्दै अभिभावकहरुले बिरोध जनाएका हुन् ।
विद्यालयमा भेला भएका अभिभावकहरुले विद्यालय ब्यबस्थापन समिति खारेजीको माग गर्दै गाउँपालिका अध्यक्ष सतिश कुमार सिंह, वडा नम्बर ७ का वडाअध्यक्ष गुलाव प्रसाद सिंह र प्रधानाध्यापक बिपिन झाको पुतला दहन गरेका छन ।
पुत्ला दहन गर्दै विद्यालयका अभिभावक उपेन्द्र प्रसाद यादवले गोप्य रुपमा गठन भएको समितिलाई खारेज गर्नुपर्ने बताए । यस सामुदायिक विद्यालयमा गरिवको छोराछोरी पढिरहेको छ तर गरिव बिपन्न परिवारका अभिभावकलाई समितिमा नराखेर जनप्रतिनिधिको आफ्नो आसेपासेलाई राखेर समिति गठन गरेको उनले बताए ।
नवगठित समितिमा रहेको पदाधिकारीको छोराछोरीहरु राजबिराज, हनुमाननगर, बिराटनगर काठमाडौंसहितका संस्थागत विद्यालयमा पढिरहेको अभिभावकहरुले जानकारी दिएका छन् । समितिमा बस्न उनीहरुले पछि बिद्यार्थी भर्ना गराएको आन्दोनरत् अभिभावकहरुले आरोप लगाएका छन् । विद्यालयलाई राजनैतिक अखाडा बनाएको पूर्व शिक्षक गोसाई यादवले बताए । उनले विद्यालयलाई राजनैतिकबाट मुक्त गराउनु पर्नेमा जोड दिए ।
अभिभावकहरुले विद्यालय ब्यबस्थापन समिति पुर्नगठन नगरिए विद्यालयमा तालाबन्दीसहित सशक्त आन्दोलन गर्ने चेतावनी दिएका छन् । विद्यालयको नवगठित पदाधिकारीहरुलाई बुधबार आयोजित एक कार्यक्रमका बीच पदस्थापना गरिएको थियो ।
वडा अध्यक्ष गुलाव प्रसाद सिंहको अध्यक्षतामा नवगठित समितिका अध्यक्ष अभय कुमार सिंह, नथुनी मण्डल, सदस्य दर्शन यादव, अरुण कुमार सिंह, महिला सदस्य उर्मिला देवी साह, शोभिता मण्डल, शिक्षक प्रतिनिधि संतोष सिंह, बाल क्लबबाट रिंकु कुमारी राउत, लखन मण्डल, सदस्य सचिव प्रधानाध्यापक बिपिन झा, वडा प्रतिनिधि गुलाव प्रसाद सिंहलाई पदस्थापना गरिएको थियो ।

(Visited 39 times, 1 visits today)

HTML tutorial